Strona:Jan Sygański - Z życia domowego szlachty sandeckiej.djvu/162

 Joannes Tertius Dei Gratia Rex Poloniae, Magnus Dux Lithuaniae, Russiae, Prussiae, Masoviae, Samogitiae, Kiioviae, Volhyniae, Podoliae, Podlachiae, Livoniae, Smolensciae, Severiae, Czernichoviaeque.
 Significamus praesentibus literis Nostris, quorum interest universis et singulis, exhibitas Nobis esse nomine infidelium Judaeorum Neo Sandecensium literas infrascriptas, manu Serenissimi Michaelis Regis Poloniae Antecessoris Nostri subscriptas Sigilloque Minoris Cancellariae consignatas, continentes in se confirmationem iurium et libertatum infidelium Judaeorum Neo Sandecensium, occupandarum et extruendarum arearum desertarum, non solum per privilegium Serenissimi Antecessoris Nostri concessarum, sed et constitutione felicis Coronationis Nostrae approbatarum, sanas, salvas et illaesas omnique suspicionis nota carentes. Supplicatumque Nobis est, ut easdem Authoritate Nostra Regia approbare et confirmare dignaremur, prout quidem ad instar aliarum civitatum Regni, praecipue vero secundum novellam Constitutionem oppidis Chęciny et Chełm servientem, in omnibus punctis et clausulis concedimus et approbamus, quarum quidem literarum tenor sequitur talis:
 Michael Dei Gratia Rex Poloniae... Significamus praesentibus literis Nostris, quorum interest universis et singulis, expositum Nobis esse per certos Consiliarios Nostros lateri protunc Nostro assidentes, et per Generosum Alexandrum Lubomirski, Neosandecensem et Pereaslaviensem Capitaneum. Quomodo Civitas Nostra Sandecensis imprimis peste demortuorum hominum, tum postmodum iniuria belli Suetici et Hungaro Cosatici, variisque aliis temporum iniquitatibus, ad eam ruinam et desolationem devoluta sit, ut ad praesens desertas areas maiori et potissima ex parte sine ullis possessoribus et consuccessoribus, quam integra et possessa aedificia in se contineat. Qua de causa cum Cives Neo Sandecenses contribuendis Reipublicae oneribus et Capitanealibus, tollerandisque variis exactionum militarium et aliarum quarumvis generibus, nullatenus se sufficere amplius declararent consentirentque in hoc, ut desertas areas omni successore carentes, etiam Judaeis accedente ad id singulari Regio Consensu Nostro et facultate, in dicta Sandecensi Civitate, quo possibilius ad meliorem statum et conditionem eadem Civitas per extructa aedificia deveniat, sufferendisque Reipublicae omnibus contributionibus tandem aliquando par existat, deoccupare liceret. Nos ut ipsius rei aequitati, ita dictorum Civium Neo Sandecensium, illorum consensu, ad Nos