Ta strona została przepisana.
Misere afflicta respublica Polona loquitur.
Condite tela Getae, Valachi, Turcaeque minaces,
Vosque simul Moschae condite tela sua (!),
Sed nostram nudi cladem spectate: videmus
Pro vobis tacitos bella movere deos.
Ipsa in nos elementa ruunt, proque hoste laborant,
Non est, expediant cur sua tela Getae.
Namque mei nati surgunt in viscera nostra,
Expediunt enses in latus usque meos.
Contemnor, plector, cuncta et me adversa fatigant:
Magna sumus diris undique praeda lupis.
Parcite nunc miseri matrem prosternere vestram,
Excidium vobis mors mea namque feret.
Sic Hunni, Graeci, Romani, Marte potentes,
Convulsi propriis interiere malis,
Quos externa manus potuit prosternere nunquam:
Confracti propria succubuere manu.
Lectori Condido
S. P.
Odi stoicos censores. Vale.
Dat. XI Iunii. 1561.
Malchiar Pudłowski.
