Wikiźródła

Śpiewnik kościelny/Inclytum regni columen poloni

< Śpiewnik kościelny
<<< Dane tekstu >>>
Tytuł Inclytum regni columen poloni
Pochodzenie Śpiewnik kościelny
Redaktor Michał Marcin Mioduszewski
Data wyd. 1838
Druk Stanisław Gieszkowski
Miejsce wyd. Kraków
Źródło Skany na Commons
Inne Pobierz jako: EPUB  • PDF  • MOBI 

Cały tekst

Indeks stron
›››

PIEŚŃ XV.

O Świętym Janie Kantym.

\relative c { \clef tenor \key c \major \time 2/2 \autoBeamOff c'2 g4 f4 | e4 (\stemUp a4) \stemNeutral g2 | c4 e4 d4 c4 | b4 (d4) c2 \bar ":|" } \addlyrics { \small { In -- cly -- tum re -- gni co -- lu -- men po -- lo -- ni, } } \addlyrics { \small { Ma -- gne Do -- cto -- rum Pa -- ter al -- me Can -- ti: } }

\relative c' { \clef tenor \key c \major \time 2/2 \autoBeamOff e2 e4 g4 | g4 (f4) f2 | d4 d4 d4 f4 | f4 (e4) e2 | \break g2 f4 e4 | d2 c2 \bar "|." } \addlyrics { \small { Le -- chi -- cos in -- ter ra -- di -- ans Pa -- tro -- nos, Po -- sce to -- nan -- tem. } }

 
Inclytum regni columen poloni,
Magne Doctorum Pater alme Canti:
Lechicos inter radians Patronos,
 Posce tonantem.
Solis ut claros rotat orbis ignes,
Sic micat nostro tua lux in Orbe:
Noctis ut Princeps superat minores,
 Cynthia flammas.
Grande virtutum teneris ab annis
Te jubar cinxit, niveique dotes
Pectoris, devotaque mens profundo
 Numine mersa.
Regiæ magni Jagelonis aulæ,
Diva quam Pallas, Cracidos beatis
Incolit tectis, lapis angularis,
 Atque columna es.
Te Sophum mitræ, viridesque laurus,
Quas tuæ fronti nive consecrasti,
Prædicant unum: tibi de tuoque
 Munere vivunt.
Terna te laurus triplici coronans
Fronde, mortali positum sub umbra,
Jam perennantis beat ut sitisti,
 Pignore laudis.
Arte cœlesti, probitatis in te
Norma formata est, voluitque pingi
In tuo primum speculo, togatæ
 Regula vitæ.

Asperi carnem domuêre cultus,
Cor tibi flammis amor ussit ingens:
Divitis præedæ data vestis instar
 Cessit et esca.

Sæpius vestes tulit indigentum,
Nuditas, quæ cor tibi lancinabat;
Quo tegis nudum, tibi Christus ipse
 Reddit amictum.

Virginum Virgo, tibi destinatum
Contulit vitæ decus innocentis;
Dum tibi casta posuit yirentem
 Fronte coronam.

Addidit pennas tibi vis amoris,
Ad viam Sacri properans Sepulchri;
Æstuans, longè positas salutis
 Curris ad undas.

Dulcis est visus tibi sudor omnis,
Arctiùs qui te sliperis ligabat;
Viluit mundi comitata multo
 Felle voluptas.

Noctium sacras vigilesque curas,
Flammeus cordis superabat ardor:
Tanta de cœlo tibi gratiarum
 Copia fluxit.

Hinc tibi sensus humiles, placentque
Ima contemptûs, tumidusque sæcli
Vincitur fastus, pede mortis atra
 Colla premente.

Bethleem dum sol oritur tenellus,
Occidis sydus Lechiæ coruscum:
Fasciis carum tenuit Joannem
 Te Deus infans.

Sic vetus transit rigor in beatæ
Gaudium vitæ, grave sed relictis
Vulnus bæsisset, nisi sacra nobis
 Busta dedisses.

Mira quêis grati data vis odoris,
Et solum latè reficit Polumque,
Ad tuos dum tot cineres stupenda
 Computat acta.

Vota quot plebis pia tot fatentur,
Luxque cis Sacrum tumulum perennis,
Quam preces semper venias petentum
 Pronus ad omnes.

Ergo Lechei diadema Regni
Protege, et summos Pater alme fasces:
Regia nam te, posuit Patronum
 Numen in urbe.

Vindices iras solii tremendi
Tolle placando: dabit hoc petenti
Summa majestas, redeatque cœlo
 Pax bona per te.
 
Cracii Musis faveas Lycæi,
Magnus in Regno Lechiæ Patronus;
In tuo Datos gremio, parentum
 Optime serva.

Mentium lumen, sapientiæque
Impetra nobis jubar, ut beato
Lucis æternæ potiamur omnes
 Te duce Regno.


Znak domeny publicznej
Tekst lub tłumaczenie polskie jest własnością publiczną (public domain), ponieważ prawa autorskie do niego wygasły (expired copyright).
 
Źródło: „https://pl.wikisource.org/w/index.php?title=Śpiewnik_kościelny/Inclytum_regni_columen_poloni&oldid=3192164”